首页 > 【人生充滿傳奇色彩】77歲陳惠敏突然入紙申請結婚 昔日行走江湖點解突然轉做演員?

電話線接法圖解,【人生充滿傳奇色彩】77歲陳惠敏突然入紙申請結婚 昔日行走江湖點解突然轉做演員?

互联网 2021-04-15 01:30:26

77歲武打演員陳惠敏突然驚傳婚訊,其擬結婚通知書曝光,女方係相伴50年,同佢生咗3個仔女嘅吳國英。從警察做到江湖中人,從江湖中人做到演員,陳惠敏一生充滿傳奇色彩,大家對佢了解有幾多呢?

{{hket:inline-image name="27.jpg"}}{{/hket:inline-image}}

(《反黑》電影截圖)

陳惠敏自細習武、打拳,曾經做過警察,之後成為江湖中人,雙臂有左青龍、右白虎紋身,胸前有雙鷹紋身,背脊有龍圖騰紋身。最令人難忘係陳惠敏喺1983年參加《世界精英搏擊大賽》,用咗45秒就K.O.日本拳手森崎豪。至今仍有唔少人會翻睇呢段咁精彩嘅經典畫面,大讚佢厲害。

{{hket:inline-image name="23.jpg"}}{{/hket:inline-image}}

(YouTube影片截圖)

{{hket:inline-image name="24.jpg"}}{{/hket:inline-image}}

(YouTube影片截圖)

陳惠敏拍過好多江湖片,佢飾演嘅人物大多係黑社會大佬、殺手。佢拍過《黑道福星》,亦曾喺《風雨同路》飾演鐵漢柔情嘅爸爸,形象正面。

{{hket:inline-image name="26.jpg"}}{{/hket:inline-image}}

(《古惑仔3之隻手遮天》電影截圖)

{{hket:inline-image name="25.jpg"}}{{/hket:inline-image}}

(《風雨同路》電影截圖)

{{hket:inline-image name="22.jpg"}}{{/hket:inline-image}}

(《風雨同路》電影截圖)

陳惠敏曾接受傳媒訪問,佢指未入行之前,邵氏曾經邀請佢簽約拍戲,但佢一口拒絕,原因有三個,第一佢認為當時生活得好好,要咩有咩,唔想改變現狀;第二,佢覺得邵氏嘅合約太苛刻;第三佢話自己唔識做戲。

後來有個導演主動搵陳惠敏,話做演員好過癮,鼓勵佢嘗試拍戲,陳惠敏聽完表示有機會就會試。雖然陳惠敏未決定簽唔簽邵氏,但當時佢已經獲邀出演張徹執導嘅電影《水滸傳》,同狄龍、姜大衞合作。拍攝期間,陳惠敏覺得好好玩,幾過癮,於是決定入行,結果拍完一部接一部。

入行44年,陳惠敏最鍾意邊個演員?佢曾喺訪問中對四哥謝賢讚不絕口,讚謝賢對自己形象好有要求,一行出嚟就好有明星風範。另外佢又讚謝賢係個好男人:「喺我心裡面,謝賢呢個人一流,冇一個女人講佢壞話,離咗婚仲可以做到朋友,呢種人最得人尊重。」

{{hket:inline-image name="20.jpg"}}{{/hket:inline-image}}

(《法證先鋒IV》電視截圖)

陳惠敏亦有提及好兄弟鄧光榮,佢話自己初入行時曾得到鄧光榮幫助,讚對方為人有情有義,值得尊敬,又指二人好啱嘴型,大家成日約出嚟玩,所以當2011年知道鄧光榮死訊時,陳惠敏非常心痛。

{{hket:inline-image name="19.jpg"}}{{/hket:inline-image}}

(電影截圖)

喺電影界中,陳惠敏係個專業嘅演員。喺家庭上,佢係個好爸爸,同囡囡陳鳳儀關係好好。上星期陳鳳儀喺社交平台上載同爸爸、媽媽吳國英嘅合照,好溫馨。陳惠敏早前被傳患有重病,但之後否認,從相中望落佢精神唔錯。

{{hket:inline-image name="21.jpg"}}{{/hket:inline-image}}

(陳鳳儀社交平台圖片)

 

 

撰文:張芷晴責任編輯:楊安莉

免责声明:非本网注明原创的信息,皆为程序自动获取自互联网,目的在于传递更多信息,并不代表本网赞同其观点和对其真实性负责;如此页面有侵犯到您的权益,请给站长发送邮件,并提供相关证明(版权证明、身份证正反面、侵权链接),站长将在收到邮件24小时内删除。

相关阅读